Page Views: 16483

રાજકોટ બેઠક પરથી પરષોત્તમ રૂપાલા સ્વેચ્છીક રીતે ઉમેદવારી પાછી ખેંચે એવા સંજોગો

ગૃહમંત્રી અમિત શાહ, મુખ્યમંત્રી અને પ્રદેશ પ્રમુખની ગાંધીનગરમાં બેઠક

ગાંધીનગર-વર્તમાન ન્યૂઝ.કોમ

ક્ષત્રિય સમાજના વધી રહેલા વિરોધ વચ્ચે રાજકોટ લોકસભા બેઠકના ભાજપના ઉમેદવાર પરષોત્તમ રૂપાલા સ્વેચ્છીક રીતે જ પોતાની ઉમેદવારી પાછી ખેંચવા માટે તૈયાર થયા હોવાનું કહેવાઇ રહ્યું છે. આ મામલે વિચાર વિમર્શ કરવા માટે ગાંધીનગર ખાતે કેન્દ્રીય ગૃહ મંત્રી અમિત શાહ, મુખ્યમંત્રી ભૂપેન્દ્ર પટેલ, પ્રદેશ પ્રમુખ સી આર પાટીલ સહિતના આગેવાનોની ગાંધીનગર ખાતે મિટીંગ મળી હતી. આ બેઠકમાં રૂપાલા દ્વારા કરાયેલા નિવેદનોને કારણે ગુજરાતમાં અને અન્ય રાજ્યોમાં ક્ષત્રિય સમાજના મતદારોની નારાજગી ખાળવા માટે રૂપાલાના સ્થાને અન્ય ઉમેદવારને મેદાનમાં ઉતારવાની ચર્ચા વિચારણા થયાનું કહેવાય છે. બીજી તરફ રૂપાલાએ પણ પાર્ટીને ડેમેજ ન થાય અને ક્ષત્રિય સમાજના વિરોધની અસર રાજ્ય તેમજ દેશની અન્ય બેઠકો ઉપર ન થાય તે માટે સ્વેચ્છીક રીતે જ પોતાની દાવેદારી પાછી ખેંચવાની જાણ પાર્ટીના વરિષ્ટ આગેવાનોને કહી હોવાનું ચર્ચાઇ રહ્યુ છે. જો કે, હાઇ કમાન્ડ આ બાબતે વિચારણાના અંતે નિર્ણય લેવાના મુડમાં છે. જો રૂપાલા ઉમેદવારી પાછી ખેંચી લેશે તો સીધો લાભ તેમના ડમી તરીકે ઉમેદવારી નોંધાવનારા મોહન કુંડારીયા ઉમેદવાર તરીકે જાહેર થશે. કુંડારીયા કડવા પટેલ સમાજના અગ્રણી છે અને ગત ટર્મમાં રાજકોટ બેઠક પરથી જ સાંસદ હતા. એક બે દિવસમાં આ મામલે ચિત્ર સ્પષ્ટ થઇ જવાની સંભાવનાઓ વ્યક્ત કરવામાં આવી રહી છે. જો કે, રૂપાલની અત્યંત નજીક ગણાતા અગ્રણીઓ રૂપાલાની ઉમેદવારીને લઇને મક્કમ છે તેમજ કોઇ પણ સંજોગોમાં રૂપાલા ઉમેદવારી પાછી ખેંચશે નહીં એવુ જણાવી રહ્યા છે.





 

ચેમ્બર ઓફ કોમર્સ તથા સાઉથ ગુજરાત પ્રોડકટીવિટી કાઉન્સીલના સંયુકત ઉપક્રમે Convention of NGOs કાર્યક્રમ યોજાશે

એનજીઓની વિવિધ સેવાઓની ગુણવત્તા અંગે ચર્ચા કરવા અને તેને વધારવા અને સંસ્થાઓ વચ્ચે વધુ સારા સહકારને પ્રોત્સાહન આપવાના હેતુથી કાર્યક્રમનું આયોજન

ધારાસભ્ય જીજ્ઞેશ મેવાણીના પી એ અને દાહોદ જિલ્લાના આપના પ્રમુખે કર્યો હતો અમિત શાહનો એડીટ કરેલો વિડીયો વાયરલ

અમદાવાદ સાયબર ક્રાઇમ બ્રાન્ચે બન્નેને ઝડપી લઇ તપાસ આદરી

આરોગ્ય વિભાગે શહેરમાં 14 આઇસક્રીમ પાર્લરોમાંથી નમુનાઓ લીધા

તમામ સેમ્પલ લેબોરેટરીમાં પૃથ્થકરણ માટે મોકલાયા ખામી જણાશે તો પગલા ભરાશે

ડોનેટ લાઇફના માધ્યમથી એનઆરઆઇ યુવાનનું દેહદાન કરવામાં આવ્યુ

અંગદાનના ક્ષેત્રમાં કાર્ય કરતી ડોનેટ લાઈફ સંસ્થાના ટ્રસ્ટી પ્રકાશભાઈ પટેલ અને તેમના પરિવારે પુત્ર સ્વ. પ્રજેશનું દેહદાન કરી સમાજને નવી દિશા બતાવી

ચેમ્બર ઓફ કોમર્સના ઉપ પ્રમુખ પદના દાવેદાર મનિષ કાપડિયાને તમામ વર્ગમાં આવકાર

યુવા નેતૃત્વને સ્વિકારવા મહાજનોમાં નવો ટ્રેન્ડ