Page Views: 16709

સલમાનના ઘર પર ફાયરીંગ કેસમાં હથિયાર સપ્લાય કરનાર અનુજ થાપને પોલીસ કસ્ટડીમાં ગળે ફાંસો ખાઇ આત્મહત્યા કરી

પોલીસ રિમાન્ડ હેઠળ રહેલા અનુજ થાપન આત્મહત્યા કેસની તપાસ સીઆઇડી ક્રાઇમને સોંપાશે

મુંબઇ-વર્તમાન ન્યૂઝ. કોમ

સલમાનના ઘરે ફાયરિંગમાં સામેલ એક આરોપી અનુજ થાપને પોલીસ કસ્ટડીમા આત્મહત્યા કરી લીધી છે. જ્યારે અનુજે આત્મહત્યાનો પ્રયાસ કર્યો ત્યારે તે પોલીસ કસ્ટડીમાં હતો. આરોપી અનુજ થાપને શૌચાલયમાં બેડશીટના ટુકડા સાથે આત્મહત્યા કરી હતી. આરોપી થાપનને બપોરે 12:30 વાગ્યે જીટી હોસ્પિટલમાં લઈ જવામાં આવ્યો હતો. આરોપી અનુજ થાપનનું જીટી હોસ્પિટલમાં સારવાર દરમિયાન મોત થયું હતું. આ કસ્ટોડિયલ ડેથની તપાસ રાજ્ય સીઆઈડીને સોંપવામાં આવશે. મુંબઈની આઝાદ મેદાન પોલીસે આ મામલામાં ADR નોંધીને તપાસ શરૂ કરી છે.આ પછી તેને હોસ્પિટલ લઈ જવામાં આવ્યો, જ્યાં હોસ્પિટલ તંત્ર  દ્વારા તેને મૃત જાહેર કરવામાં આવ્યો. ફાયરિંગ કરનાર આરોપીઓને હથિયાર સપ્લાય કરવાના ગુન્હામાં મુંબઇ પોલીસે અનુજ થાપનની ધરપકડ કરી હતી.  અનુજ લોરેન્સ બિશ્નોઈ ગેંગના સંપર્કમાં હતો. તે ટ્રક હેલ્પર તરીકે કામ કરે છે. મુંબઈ ક્રાઈમ બ્રાન્ચે સુરતની તાપી નદીમાંથી એક પિસ્તોલ અને કેટલાક જીવતા કારતુસ મળી આવ્યા હતા. મુંબઇ બ્રાન્ચનો દાવો છે કે, આ એ જ હથિયારો હતા જેનો ઉપયોગ 14 એપ્રિલે સલમાન ખાનના ઘરે ફાયરિંગ માટે કરવામાં આવ્યો હતો. પોલીસના જણાવ્યા અનુસાર આ હથિયારો અનુજ અને સુભાષ દ્વારા સપ્લાય કરવામાં આવ્યા હતા. 14 એપ્રિલના રવિવારે સવારે સમાચાર આવ્યા હતા કે સલમાન ખાનના ઘર ગેલેક્સી એપાર્ટમેન્ટની બહાર ફાયરિંગ થયું છે. આ સમાચારે સૌને ચોંકાવી દીધા હતા. બે શખ્સો બાઇક પર આવ્યા હતા અને સલમાનના ઘરની બહાર 5 રાઉન્ડ ફાયરિંગ કરીને ભાગી ગયા હતા. આ પછી બંને આરોપીઓએ ત્રણ વાર કપડાં બદલ્યા જેથી તેઓ ઓળખી ન શકે. પોલીસે કોર્ટને જણાવ્યું હતું કે તેમની પાસે 40 ગોળીઓ છે. લોરેન્સ બિશ્નોઈના ભાઈ અનમોલે સોશિયલ મીડિયા દ્વારા સલમાન ખાનના ઘરની બહાર ફાયરિંગની જવાબદારી લીધી હતી. આ કેસમાં આરોપી વિકી ગુપ્તા, સાગર પાલ અને અનુજ થપનને 8 મે સુધી પોલીસ કસ્ટડીમાં મોકલવામાં આવ્યા હતા. હવે અનુજ થપને આત્મહત્યા કરી લીધી છે.





 

ચેમ્બર ઓફ કોમર્સ દ્વારા સરસાણા ખાતે પ્લેટિનમ હોલમાં ‘સ્માર્ટ એજ્યુકેશન એક્ષ્પો– 2024’નો ભવ્ય શુભારંભ

સ્માર્ટ એજ્યુકેશન એક્ષ્પો યુવા પેઢીને એક છત નીચે ગુજરાત અને ભારતમાં જ નહીં પણ વિદેશમાં પણ તેમની શૈક્ષણિક જરૂરિયાતો અનેકારકિર્દી સંબંધિત મહત્વાકાંક્ષાઓને પૂર્ણ કરવા વિવિધ વિકલ્પો જોવાની એક મોટી તક પૂરી પાડશે : ચેમ્બર પ્રમુખ રમેશ વઘાસિયા

SGCCI બિઝનેસ કનેક્ટ SBC 1.0 અને 2.0, બિઝનેસ પ્રેઝન્ટેશન મિટીંગ તેમજ SBC 2.0ના એક વર્ષ પૂર્ણ થવાની ઉજવણી ૧૮મી મેના રોજ કરાશે

મુખ્ય મહેમાન તરીકે ઝિમ્બાબ્વેના ઇન્ડસ્ટ્રી એન્ડ કોમર્સ વિભાગના ડેપ્યુટી મિનિસ્ટર રાજેશકુમાર મોદી ઉપસ્થિત રહેશે

ચેમ્બર દ્વારા એજ્યુકેશન એન્ડ સ્કીલ ડેવલપમેન્ટ સેન્ટરના ઉપક્રમે પાવર ઓફ પબ્લિક સ્પિકીગ એન્ડ કોમ્યુનિકેશન વિષય પર સેમિનાર યોજાયો

કોઇ વ્યક્તિ જન્મથી વક્તા હોતો નથી

ચેમ્બર ઓફ કોમર્સ દ્વારા 17થી 19 મેં દરમ્યાન સરસાણા ખાતે એજ્યુકેશન એક્ષ્પો યોજાશે

વિદ્યાર્થીઓને માર્ગદર્શન માટે મહત્વની પ્રવૃત્તિ

કડોદરાની ઐશ્વર્યા ડાઈંગ મિલ સહિત સુરતના 3 ધંધાર્થીના 12 સ્થળ પર ઈન્કમટેક્સના દરોડા

ઐશ્વર્યા ડાઇંગ ઉપરાંત કોલસાના વેપારી અને મોરબીના એક સિરામિકના વેપારીને પણ વરૂણીમાં લેવામાં આવ્યા