Page Views: 37484

રાજયમાં વરસાદ ખેંચતા જળાશયો ખાલીખમઃ 207માંથી માત્ર 5 ડેમ ભરેલા

રાજ્યમાં 45 ટકા વરસાદની ઘટઃ હવામાન વિભાગ

નવી દિલ્હીઃ વર્તમાનન્યુઝઃકોમ 
રાજયમાં છેલ્લા 15 દિવસથી વરસાદ ખેંચાઇ જતા ડેમોમાં પાણીનું સ્તર ઘટ્યું છે. રાજ્યના 207 પૈકીના માત્ર 5 ડેમ ભરેલા છે. હાલ આ ડેમો પોતાની કુલ ક્ષમતાના ૪૭.૫૪ ટકા જ ભરેલા છે, તેમ બુધવારે નર્મદા રાજ્યના જળ સંપત્તિ, પાણી પુરવઠા અને કલ્પસર વિભાગે જણાવ્યું છે. રાજયના ૨૦૦થી વધુ ડેમ અને જળાશયોમાં કુલ સંગ્રહ ક્ષમતા કરતાં અડધાથી પણ ઓછું જળસ્તર હોવા છતાં રાજય સરકારે ૫ લાખ હેકટર જેટલી જમીનમાં સિંચાઈ માટે ડેમોમાંથી પાણી આપવાનો નિર્ણય કર્યો છે, જેથી ઊભા પાકને નુકસાન ના થાય.
ભારતીય હવામાન વિભાગે બુધવારે જણાવ્યું કે, ગુજરાતમાં વરસાદ ઓછો પડ્યો છે. સામાન્ય કરતાં ૪૫ ટકા વરસાદની ઘટ હાલ રાજયમાં વર્તાઈ રહી છે. હવામાન વિભાગના રિપોર્ટ પ્રમાણે, ૧ જૂનથી ૧૦ ઓગસ્ટ વચ્ચે ગુજરાતમાં સામાન્ય કરતાં ૪૫ ટકા ઓછો વરસાદ નોંધાયો છે. સામાન્ય રીતે આ સમયગાળામાં ૪૫૮.૮ એમએમ વરસાદ નોંધાય છે પરંતુ રાજયમાં ૨૫૨.૭ એમએમ જ વરસાદ વરસ્યો છે, ૨૦૭માંથી માત્ર પાંચ ડેમ કાંઠા સુધી ભરાયેલા છે. આ પાંચમાંથી ચાર ડેમ સૌરાષ્ટ્રમાં આવેલા છે અને એક દક્ષિણ ગુજરાતમાં છે, તેમ બુધવારે રાજય સરકાર તરફથી જણાવાયું છે.
ખરીફ ઋતુમાં ૭૫,૭૩,૧૦૬ હેકટર જમીન પર વાવણી થઈ ચૂકી છે ત્યારે ગુજરાત સરકારે નક્કી કર્યું છે કે, ૩૦ સપ્ટેમ્બર સુધી ચાલે તેટલા પીવાના પાણીનો સંગ્રહ કરીને ૫ લાખ હેકટર જમીનમાં રહેલા ઊભા પાક માટે ડેમમાંથી પાણી આપવામાં આવશે. મંગળવારે રાજય સરકાર તરફથી બહાર પાડેલા નિવેદનમાં આ વાત જણાવાઈ હતી. ગુજરાતના ૩૩ જિલ્લાઓમાંથી અરવલ્લી અને ગાંધીનગરમાં આ સીઝનનો સૌથી ઓછો વરસાદ નોંધાયો છે. આ બંને જિલ્લાઓમાં વરસાદની ઘટ સૌથી વધુ છે. જયારે બાકીના ૩૧ જિલ્લાઓમાં પણ સામાન્ય ઘટ નોંધાઈ છે, તેવો હવામાન ખાતાના રિપોર્ટમાં ઉલ્લેખ છે. સ્ટેટ ઈમર્જન્સી ઓપરેશન સેન્ટર દ્વારા આપવામાં આવેલા ઝોન મુજબના ડેટાની વાત કરીએ તો, દક્ષિણ ગુજરાતમાં સરેરાશ વાર્ષિક વરસાદના ૩૬.૩૯%, પૂર્વ-મધ્ય વિસ્તારોમાં ૩૪.૭૨%, સૌરાષ્ટ્રમાં ૩૩.૮%, કચ્છમાં ૩૧.૭૪% અને ઉત્તર ભાગમાં ૩૧.૨% વરસાદ પડ્યો છે.
 





 

ચેમ્બર દ્વારા એજ્યુકેશન એન્ડ સ્કીલ ડેવલપમેન્ટ સેન્ટરના ઉપક્રમે પાવર ઓફ પબ્લિક સ્પિકીગ એન્ડ કોમ્યુનિકેશન વિષય પર સેમિનાર યોજાયો

કોઇ વ્યક્તિ જન્મથી વક્તા હોતો નથી

ચેમ્બર ઓફ કોમર્સ દ્વારા 17થી 19 મેં દરમ્યાન સરસાણા ખાતે એજ્યુકેશન એક્ષ્પો યોજાશે

વિદ્યાર્થીઓને માર્ગદર્શન માટે મહત્વની પ્રવૃત્તિ

કડોદરાની ઐશ્વર્યા ડાઈંગ મિલ સહિત સુરતના 3 ધંધાર્થીના 12 સ્થળ પર ઈન્કમટેક્સના દરોડા

ઐશ્વર્યા ડાઇંગ ઉપરાંત કોલસાના વેપારી અને મોરબીના એક સિરામિકના વેપારીને પણ વરૂણીમાં લેવામાં આવ્યા

બપોરે 3 વાગ્યા સુધીમાં નવસારી લોકસભાની બેઠક પર 48.03 ટકા અને બારડોલી લોકસભા બેઠક પર 51.97 ટકા મતદાન

ગોડાદરા વિસ્તારમાં ભાજપ કાર્યકરોએ મતદારોને જાગૃત કરવા થાળી વગાડી મતદાન મથક સુધી જવા પ્રેરણા આપી

ચેમ્બરની વુમન આંત્રપ્રિન્યોર સેલની મહિલા સાહસિકોએ પલસાણામાં આદિત્ય ટેક્ષ્ટાઇલ સોલ્યુશન્સ અને અલ્ટ્રા ડેનિમના યુનિટની ઇન્ડસ્ટ્રીયલ વિઝીટ લઇ બિઝનેસ મીટ કરી

મહિલા સાહસિકોએ હોમ ટેક્ષ્ટાઇલ ફેબ્રિકના ઉત્પાદન ઉપરાંત ડેનિમ ફેબ્રિક અને ડેનિમ ગારમેન્ટ્‌સ પાછળની ઉત્પાદન પ્રક્રિયાઓનો અભ્યાસ કરી તેની વિસ્તૃત સમજ કેળવી