Page Views: 6426

કોરોનાની વિસ્ફોટક સ્થિતિને પગલે મુખ્યમંત્રી સુરત દોડી આવ્યા તાકીદની બેઠક બોલાવી

લોક ડાઉન કે કરફ્યુ અંગે પણ તંત્ર સાથે ચર્ચા વિચારણા કરી- સ્થિતિ નિયંત્રણમાં કઇ રીતે આવી શકે તે અંગે પરામર્શ કરી

સુરત-વર્તમાનન્યૂઝ.કોમ

સુરત શહેરમાં કોરોનાનું  સંક્રમણ ને કારણે રાજ્ય સરકાર હરકતમાં આવીને હવે આંકરા પગલા ભરવા તરફ જઇ રહી હોય એવુ લાગી રહ્યું છે. રાજ્યના મુખ્યપ્રધાન વિજય રૂપાણી નવસારી ખાતેથી સુરત દોડ઼ી આવ્યા હતાં. મુખ્યમંત્રીએ સુરત જીલ્લા સેવા સદન ખાતે કોરોના સંક્રમણને લઈને સમીક્ષા બેઠકનું આયોજન કર્યું છે. રોજના વધતાં કોરોના સંક્રમણ ના કેસોની સંખ્યામાં નોંધપાત્ર વધારો થઈ રહ્યો છે. સુરત શહેરની કોરોના સંક્રમણની સ્થિતિ જોતા મુખ્યપ્રધાન વિજય રૂપાણી કેટલાક મહત્વના નિર્ણય લઈ શકે છે. જેમાં લોકડાઉનની પણ ચર્ચાએ જોર પકડ્યું છે. હાલ સુરત શહેરમાં કોરાણા વિસ્ફોટની સ્થિતિ સર્જાય છે, ત્યારે દર્દીઓને કયા પ્રકારની સારવાર આપવામાં આવી રહી છે. તે અંગે વિજય રૂપાણી દ્વારા માહિતી એકત્રિત કરવામાં આવી છે, ત્યાર બાદ શહેરમાં કોરોના સંક્રમણ ઘટાડવા માટે કયા પ્રકારના પગલા લેવાઈ રહ્યા છે. સુરતના સિવિલ હોસ્પિટલમાં કોરોના દર્દીઓ માટે આપવામાં આવે તે સારવારમાં કોઈ અભાવ હોય તો એને લઈને પણ મોટો નિર્ણય લેવાઈ શકે છે. સિવિલ હોસ્પિટલના કેમ્પસમાં નવનિર્મિત કિડની હોસ્પિટલમાં વધુ કેટલા બેડ ઉભા કરવાની જરૂરિયાત વર્તાઇ રહી છે. તેને લઈને પણ નિર્ણય કરી શકે છે. ખાનગી હોસ્પિટલમાં દર્દીઓને આપવામાં આવતી સારવાર અંગે પણ સમીક્ષા કરવામાં આવી શકે છે.સુરત શહેરમાં થયેલા કોરોના વિસ્ફોટ બાદ હવે લોકડાઉન કરવામાં આવશે કે કેમ તેને લઈને શહેરભરમાં ભારે ચર્ચાએ જોર પકડયું છે. ત્યારે મુખ્યપ્રધાન વિજય રૂપાણી લોકડાઉન અંગે નિર્ણય લે છે કે કેમ તે અંગે સૌ કોઈ મીટ માંડીને બેઠા છે. તેમજ લોક ડાઉન અને કરફ્યુ અંગે રાજ્ય સરકાર હાઇકોર્ટની ટકોર પછી શું નિર્ણય લે છે તેના પણ પણ નજર માંડીને લોકો બેઠા છે.