Page Views: 2980

કોરોનાને પગલે ગુજરાતમાં તમામ નીચલી અદાલતો સંપુર્ણ બંધ રાખવા નિર્ણય

જામીન અને રિમાન્ડના અર્જન્ટ કેસો માટે એક-એક કોર્ટ કાર્યરત રહેશે

અમદાવાદ-26-3-2020
કોરોના વાયરસના કેરના કારણે ગુજરાત રાજ્યની તમામ નીચલી અદાલતો સંપૂર્ણપણે બંધ રાખવાનો નિર્ણય કરવામાં આવ્યો છે. ગુજરાત હાઇકોર્ટ દ્વારા એક પરિપત્ર જારી કરી હાઇકોર્ટમાં તાબા હેઠળની તમામ અદાલતોને આદેશ આપવામાં આવ્યો છે કે કોરોના વાયરસે સર્જેલી પરિસ્થિતિ ના કારણે રાજ્યની તમામ અદાલતો 26મી સુધી બંધ રાખવાનો નિર્ણય કરવામાં આવ્યો છે. આ અદાલતોમાં કોમર્શિયલ કોર્ટો, મોટર એકસીડન્ટ ક્લેઈમ્સ ટ્રિબ્યુનલ, ઇન્ડસ્ટ્રીયલ કોર્ટો ફેમિલી કોર્ટો તેમજ સ્પેશિયલ કોર્ટનો પણ સમાવેશ થાય છે.
જામીન અને રિમાન્ડના અર્જન્ટ કેસો માટે એક કોર્ટ કાર્યરત રહેશે. આ ઉપરાંત હાઈકોર્ટમાં જ્યુડિશિયલ અને વહીવટી કામગીરીને સ્થગિત કરવામાં આવી છે હાઇકોર્ટની અર્જન્ટ બેન્ચમાં સમાવિષ્ટ ન્યાયમૂર્તિઓ તેમના ઘરેથી જ વિડિયો કોન્ફરન્સિંગ દ્વારા અર્જન્ટ કેસોની સુનાવણી હાથ ધરશે. આ સિવાયની તમામ કોર્ટ કાર્યવાહી મોકુફ રાખવાનું જાહેર કરવામાં આવ્યુ છે.