સુરતઃ
ઉગત કેનાલ રોડ પર ફર્નિચરના ગોડાઉનમાં આગ લાગી હતી. ગોડાઉન તરીકે ઉપયોગમાં લેવાતા ચાર મકાનમાં આગ પ્રસરતા ભાગદોડ મચી ગઈ હતી. સદ્નસીબે આગની આ ઘટનામાં કોઈને ઈજા કે જાનહાની થઈ નથી.
પ્રાપ્ત વિગતોનુસાર,ઉગત પાલનપુર કેનાલ રોડ પર સાઈડ એન્ડ સર્વિસ સેવા વસાહતમાં આવેલા ફર્નિચરના ગોડાઉનમાં શોર્ટસર્કીટથી આગ ભભૂકી ઉઠી હતી. ગોડાઉન તરીકે ઉપયોગમાં લેવાતા ચાર મકાન જોતાજોતામાં આગની લપેટમાં આવી જતા વસાહતમાં ભાગદોડ મચી ગઈ હતી. બનાવની જાણ થતા ફાયરબ્રિગેડે ઘટના સ્થળે પહોંચી ભારે જહેમત બાદ આગ પર કાબુ મેળવ્યો હતો. ચારેય મકાનમાં મુકેલું ફર્નિચરનું મટીરીયલ આગમાં બળીને ખાખ થઈ ગયું હતું. સદનસીબે આગની આ ઘટનામાં કોઈને ઈજા કે જાનહાની થઈ ન હતી.
• Share •